Sino Ako?

Dinalyn Capistrano ang buo kong ngalan

Innah ang sa aki'y tawag ng karamihan

Labing-walong taon nang sa mundo'y namumhay

Laking Tumana kung kaya't buhay ko'y makulay

Magulong lugar man ang aking kinamulatan

Masayang pamilya ang siya kong kinabilangan

Apat na magkakapatid, ako ang panganay

Apat na Maria'y, tawag samin ni Inay

Nang minsa'y nagkaisip, ako ay nangarap

Maging isang guro ako'y magsusumikap

Kung kaya't ngayo'y nasa ikalawang taon na

Sa kursong edukasyon na aking ninanasa

Pagsulat ng tula'y pinagkakaabalahan

T'wing may libreng oras, ito'y pinaglalaanan

Bukod sa pagsulat ay may iba ring larangan

Kompetisyon sa arnis aking sinasalihan

Mga problema'y akin lang dinadaanan

Pagiging positibo, tanging nasa isipan

Anupa't mga ito'y akin ring malulutas

Kasama ang Panginoong siya kong tagapagligtas